ఏప్రిల్ నెల తో అమెరికాలో వసంతకాలం మొదలైనట్లే . లివింగ్ రూమ్ కిటికీ లోనుండి చూస్తున్నా . ఎదురింట్లో లాన్ మీద హడావుడిగా ఉంది . ఆకాశాన్ని అంటుతున్న చెట్టు పైన రెండు పక్షులు చేరి సరసా లాడుకుంటున్నాయి . పిల్లలు చెట్లకేసిన ఉయ్యాలలో ఊగుతున్నారు . పెద్దలు నుంచుని బీర్ తాగుతున్నారు . అమ్మలు గ్రిల్ మీద "హాట్ డాగ్ " లు కాలుస్తున్నారు.
మార్చి తో చూస్తే ఒకనెలలో ఎంత మార్పు . నెల క్రిందట ఇదే కిటికీ లోనుండి చూస్తే --- ఆకాశం నుండి ఎవరో ముగ్గు చల్లుతున్నట్లు "స్నో " పడుతోంది . అది ఆకులులేని మోడులుగా ఉన్న చెట్లకొమ్మలపై పడి పేరుకుని వీధిలోఉన్న చెట్లకి ఒక అందాన్ని ఇస్తున్నాయి . రోడ్లమీద ఫుట్ పాత్ మీద "స్నో " పడి సన్నటి గాలికొడుతుంటే రేగిపోతూ ఇక్కడ ఉండేదా పోయేదా అనుకుంటూ చెలరేగుతోంది . నెల క్రిందటకీ ఇప్పటికీ ఎంత తేడా !
ఒక గంటలో అంతా మారిపోయింది . స్నోపడటం ఆగిపోయింది . గంభీరమైన నిశ్శబ్దం . ఎవరో వచ్చి ప్రకృతినంతా పెయింట్ చేసి వెళ్ళినట్లు ఉంది . చెట్ల కొమ్మ లన్నీ ఎవరో తెల్ల పెయింట్ పూసునట్లు తెల్లగా ఉన్నాయి . వీధులూ , ఫుట్ పాత్ లూ తెల్లగా మెరుస్తున్నాయి . ఇది నెలరోజుల కిందటి వాతావరణం . మళ్ళా ఇంకొక సంవత్సరం దాకా అటువంటి దృశ్యాలు కనపడవు .
తలుపు చప్పుడయినది పక్కింటి పరమేశం వచ్చాడు . సామాన్యంగా వీకెండ్ తప్ప పరమేశం కనిపించడు . స్టాక్ మార్కెట్ ఎదో చూసుకుంటూ ఉంటాడు . ఇంకా మాట్లాడితే ఏవో "అప్షన్స్ " లట వాటితో డబ్బులు సంపాయిస్తాడుట . రిటైర్ అయ్యిన తర్వాత ప్రభుత్వం ఇచ్చే వేడినీళ్ళకి చన్నీళ్ళు తోడైతే బాగుంటుంది కదా ! ఇవ్వాళ ఇంటావిడ లేదు , వర్క్ కి వెళ్ళింది . నేనే కాఫీ పెట్టి ఇచ్చాను.
ఏం పరమేశం స్టాక్ మార్కెట్ ఎల్లా ఉంది అని అడిగాను . తను వెంటనే సమాధానం ఇవ్వలేదు. TV లో వింటున్నాను ఏవో "టారిఫ్" ల తోటి స్టాకులకి గడ్డు పరిస్థితి అని .
నెమ్మదిగా అన్నాడు "మా ఆవిడని మిల్లియన్నీర్ చేద్దామనుకున్నాను " అని . ఇదేదో కొత్తగా ఉంది . సామాన్యంగా ఇంటావిడకి ఏదో పండగలకి పట్టు చీర కొందా మనో , ఎదో "నెక్ లెస్" కొందామనో అనుకుంటారు కానీ ఇలా వాళ్ళ ఆవిడని మిల్లియన్నీర్ చేద్దామనే కోరిక వినలేదు .
మరి ఏమయ్యింది అని అడిగాను . మార్కెట్లు కుదేలు అయినాయి అన్నాడు . పోన్లే మళ్ళా మెరుగవుతాయిలే అన్నాను . లేదు మన జీవిత కాలంలో అవ్వవు అన్నాడు . ఏమిటో ఇంత నిరాశ రావటానికి అంత ఉపద్రవం ఏమొచ్చిందో !
ఇంకా ఎదో అంటూనే ఉన్నాడు , కాల్స్ ట, పుట్స్ ట, ఆప్షన్ ఎక్సపైరీ ట, అసైన్మెంట్ ట --- ఏవేవో ఆపకుండా గొణుగు తున్నాడు .
నాకు ఎల్లా సముదాయించాలో అర్ధం కాలా . పరమేశం మా ఇంట్లో సాయంత్రం భోజనం "ఉప్పుడు పిండి", ఆవురావురు మంటూ మా ఆవిడ వర్క్ నుండి వచ్చే లోపల చెయ్యాలి. ఈ నాలుగు పచ్చిమిరప కాయలూ అల్లం ముక్క దంచిపెట్టు , నేను పెసరపప్పు నానేసి ఎసరు పోస్తాను అన్నాను .
ఏదోవిధంగా బాధపడుతున్న వాళ్ళని ఇంకో వైపు తిప్పితే కొంచెం ఉపశమనం కలుగుతుంది . పాపం పరమేశం కోరిక ఎప్పుడు తీరుతుందో ! .
.JPG)
.JPG)
పరమేశ వాళ్ళ అవిడ ఎలా వున్నది
ReplyDeleteప్రస్తుతం టాక్స్ లతో కుస్తీ పడుతోంది . April 15 టాక్స్ చివరి రోజు .
Deleteమిలియనేర్ పెళ్ళాం కథ, Tariffs వచ్చి మన Spring moods ni Fall season లొ (చెట్ల) మెుడుల్లా చేశాయా అనే ఆలోచన కలిగించింది.
ReplyDelete👍రాధ ధూలిపాల
ఇప్పుడిప్పుడే చెట్ల కొమ్మల మీద మొగ్గలు కనపడుతున్నాయి . ఆ మొగ్గలు వికసించటం తధ్యం కదా ! అవి రాలిపోవడం తధ్యం కదా . అల్లాగే టారిఫ్ లు రాలి పోతాయి. కాల చక్రం తిరుగుతుంటే చూస్తుండటమే మన పని .
Deleteమీ ఈ - మెయిల్ కి ధన్యవాదములు .